Արդարադատության նախարարությունը կհամագործակցի Նազիկ Ավդալյանի հետ
Արդարադատության նախարար Սրբուհի Գալյանն ընդունել է ծանրամարտի աշխարհի և Եվրոպայի չեմպիոն, «Նազիկ Ավդալյան» սպորտի զարգացման հիմնադրամի հիմնադիր Նազիկ Ավդալյանին. տեղեկացնում է արդարադատության նախարարության լրատվական ծառայությունը։
«Նազիկ Ավդալյանը ներկայացրել է հիմնադրամի ընթացիկ ծրագրերը՝ ընդգծելով, որ դրանց շրջանակում նախատեսվում է համագործակցել նաև քրեակատարողական հիմնարկների հետ։
Անդրադարձ է կատարվել Արդարադատության նախարարության և «Նազիկ Ավդալյան» սպորտի զարգացման հիմնադրամի միջև համագործակցության հնարավորություններին։
Պայմանավորվածություն է ձեռք բերվել, որ հիմնադրամը գույք և մարզական պարագաներ նվիրաբերի «Սևան» քրեակատարողական հիմնարկին՝ նպաստելով այնտեղ սպորտային պայմանների բարելավմանը»,- ասված է հաղորդագրության մեջ։
