ՔԿ-ն ուզում է, որ ևս 2 ամսով Սամվել Կարապետյանի ապօրինի կալանքը երկարաձգվի, սա աբսուրդ է․ Արամ Վարդևանյան

Քննչական կոմիտեն շուրջ 5 ամիս ապօրինի կալանքի տակ գտնվող բարերար Սամվել Կարապետյանի կալանքը ևս 2 ամսով երկարացնելու միջնորդություն է ներկայացրել․ այսօր հրավիրած մամուլի ասուլիսում ասաց Սամվել Կարապետյանի փաստաբան Արամ Վարդևանյանը։

«ՔԿ-ի համապատասխան քննիչների խումբը բաղկացած է 53 քննիչից։ Եվ այդ 53 քննիչներից բաղկացած խումբը դեռևս դատարանից խնդրում է ժամանակ, որ կարողանան կատարել նախաքննություն, իսկ այդ ընթացքում Սամվել Կարապետյանը մնա կալանավորված։ Այս երևույթն ինքնին աբսուրդ է»,- ասաց նա։