Ոստիկանությունը հիշեցնում է վարորդներին․ նոյեմբերի 15-ից գործելու է պարտադիր պահանջ
Այսօրվանից՝ նոյեմբերի 15-ից, առանց համապատասխան ձմեռային անվադողերի տրանսպորտային միջոցների շահագործումը կարգելվի. այս մասին հայտնում են Ոստիկանությունից։
«Տրանսպորտային միջոցի շահագործումը կարգելվի, եթե
- թեթև մարդատար ավտոմոբիլների և մինչև 3․5 տոննա թույլատրելի առավելագույն զանգված ունեցող բեռնատար ավտոմոբիլների վրա տեղադրված չեն ձմեռային անվադողեր,
- սառցակալած կամ ձյունածածկ ճանապարհային պայմաններում շահագործման համար նախատեսված ձմեռային անվադողերի նախշանկարի մնացորդային բարձրությունը նշված ճանապարհային պայմաններում երթևեկության ժամանակ 4 միլիմետր և դրանից պակաս է:
Նախատեսված պահանջների խախտման համար գործում են վարչական պատասխանատվության միջոցներ»,- ասված է Ոստիկանության տարածած հայտարարությունում:
