Ախտորոշումը նույնն է` ՀՀ-ում ընդդիմությունը չունի ուղերձներ կամ այլընտրանքային առաջարկներ․ Известия
Վաղարշապատի ընտրությունները հստակ ցույց տվեցին հայ հասարակության քաղաքական նախասիրությունները. Известия-ի հետ զրույցում նշել է Կովկասի հարցերով փորձագետ Արթուր Աթաևը։ «Ախտորոշումը մնում է նույնը։ Ընդդիմությունը չունի ականավոր առաջնորդ, որը կխորհրդանշի պայքարը և կներկայացնի Փաշինյանի հակառակորդներին։ Երկրորդ՝ չկան ուղերձներ, այլընտրանքային առաջարկներ։ Կարելի է երկար քննադատել գործող իշխանություններին, բայց նրանք առնվազն ունեն ընտրողների համար հստակ գաղափարների ամբողջություն։ Նրանք պաշտպանում են թյուրքական աշխարհի հետ հարաբերությունների բարելավումը, Արևմուտքի հետ մերձեցումը և Ռուսաստանից հեռանալը։ Ընդհանուր առմամբ՝ կարելի է ասել, որ ներկայիս քարոզարշավը հերքել է Փաշինյանի նկատմամբ վստահության ճգնաժամի մասին որոշ տեսություններ. իշխող կուսակցության վարկանիշը մնում է բավականին բարձր», – նշել է նա։
Ըստ կայքի՝ ընդդիմության պարտության մի քանի պատճառ կա։ Մի կողմից՝ իշխանություններն այս ամռանն ընդլայնել են Վաղարշապատի ընտրատարածքը՝ միացնելով Խոյ և Ոսկեհատ համայնքները, որտեղ իշխող կուսակցությունն ավանդաբար զբաղեցրել է ամուր դիրքեր։ Ավելին՝ ընդդիմությունը խոսում է ճնշման և վարչական լծակների մասին։ Արտաքին վերլուծաբանները լուրջ խնդիրներ են նկատել գործող կառավարության հակառակորդների շրջանում:
Նշվել է, որ բողոքի ուժերը առաջ չեն մղում իրենց սեփական քաղաքական օրակարգն, այլ պարզապես քննադատում են Փաշինյանի և նրա թիմի գործողությունները: Ընդգծվել է նաև, որ ընտրություններին մասնակցել են յոթ ընդդիմադիր խմբեր, որոնք կարող էին խանգարել միմյանց և շփոթեցնել ընտրողներին։ Մեկ այլ խնդիր է ընդդիմադիր խմբերի պասիվությանը: Նրանցից շատերը քարոզարշավի ընթացքում խոսում էին իրենց վերջնական հաղթանակի մասին, բայց քիչ բան արեցին արդյունքի հասնելու համար: Մինչդեռ, բանտարկված գործարար Սամվել Կարապետյանի կողմից հիմնադրված հավակնոտ «Մեր ձևով» շարժումն ընդհանրապես չմասնակցեց ընտրություններին՝ փոխարենը հայտարարելով իր աջակցության մասին «կառավարությանը հակառակ ցանկացած ուժի»: Արդյունքում՝ վարչապետ Նիկոլ Փաշինյանն այժմ չափազանց ուրախ է իր հաղթանակով: Ընդդիմադիր մեկնաբանները համարում են, որ ամեն ինչ այդքան էլ միանշանակ չէ:
