Ադրբեջանը ոչնչացրել է Արցախի Քաշաթաղի շրջանի Այգեկ (Յուսիֆբեյլի) գյուղի շիական մզկիթը

Վերջերս հրապարակված արբանյակային պատկերներից երևում է, որ Ադրբեջանի իշխանություններն Արցախի հայկական եկեղեցիների հետ մեկտեղ ոչնչացնում են նաև շիական մզկիթները․ հայտնում է Հայկական ճարտարապետությունն ուսումնասիրող հիմնադրամը։

Արցախի Քաշաթաղի շրջանի Այգեկ (Յուսիֆբեյլի) գյուղի մզկիթը շուրջ 30 տարի պահպանվել է Արցախի հայկական ուժերի կողմից, իսկ ահա չանցած ընդամենը մի քանի տարի՝ ոչնչացվում է Ադրբեջանի կողմից Խուդաֆերին-Ղուբադլը-Լաչըն մայրուղու կառուցման ժամանակ:

Լուսանկարներում

1. Մզկիթը 2009 թ. (Լուս.՝ Սամվել Կարապետյանի)
2. 1890 թ. շինարարական արձանագրությունը
3. Մզկիթը տիեզերքից մինչև ոչնչացումը՝ 8.01.2021 թ.
4. Մզկիթը ոչնչացումից հետո՝ 23.04.2024 թ.