Համաձայնագիրը հնարավոր է, սպասում ենք առաջիկա ամիսներին հետագա բանակցություններին․ ԱՄՆ Պետքարտուղարություն
ԱՄՆ Պետքարտուղարության խոսնակ Մեթյու Միլլերը ճեպազրույցի ընթացքում անդրադարձել է հարցին, թե ինչ պետք է որոնեն հայերն ու ադրբեջանցիները՝ հասկանալու համար, որ Արլինգթոնում կայացած բանակցությունները հաջողվել են։
«Կարծում եմ, որ դա պետք է լինի բանակցությունների շարունակությունը, որին մենք շարունակում ենք աջակցել: Մենք նախկինի պես հավատում ենք, որ համաձայնագիրը հնարավոր է և անհամբերությամբ սպասում ենք հետագա բանակցություններին առաջիկա ամիսներին»,-ասել է նա:
Պետքարտուղարության խոսնակը, սակայն, հրաժարվել է պատասխանել բանակցությունները Վաշինգտոնում շարունակելու հնարավորության մասին հարցին:
