Հրազդանի կիրճում ժայռերի քանդման աշխատանք չի կատարվում. Երևանի քաղաքապետարանը հերքում է
Ֆեյսբուքի օգտատեր Արտյոմ Մարտիրոսյանը տեսանյութ էր հրապարակել Հրազդանի կիրճից, որտեղ երևում էր, թե ինչպես է էքսկավատորը հողային աշխատանքներ իրականացնում։ Նա գրել էր, որ «քանդում են Հրազդանի կիրճի բազալտե սյուները»։
ABC Media-ն կապ հաստատեց Երևանի քաղաքապետարանի լրատվության վարչության պետի պաշտոնակատար Օֆելյա Սիմոնյանի հետ, որը հայտնեց. «Կիրճին հարակից ստորգետնյա անցումը վերանորոգվում է, և դրան զուգահեռ տարածքից դեպի Հրազդանի կիրճ իջնող հատվածից տարիների ընթացքում կուտակված շինարարական աղբն է հանվում, ինչի արդյունքում Հրազդանի կիրճի ժայռերի գեղեցիկ տեսարանն է՛լ ավելի կբացվի և տեսանելի կլինի։ Որևէ ժայռերի քանդման աշխատանք այդտեղ չի կատարվում»։
