Դուբայում Tejas կործանիչի վթարը կարող է վնասել Հնդկաստանի ռազմաօդային ուժերի հեղինակությանը և ռազմական արտահանմանը․ The Economic Times

Հնդկաստանի ռազմաօդային ուժերի Tejas կործանիչի վթարը Դուբայի ավիաշոուի ժամանակ կարող է խաթարել համաշխարհային շուկայում հարավասիական այս հանրապետության կողմից առաջարկվող զենքի արտահանման հեռանկարները․ գրում է The Economic Times-ը։

Այս հնդկական կործանիչի մշակումը, որն ուղեկցվում էր ուշացումներով և տեխնիկական խնդիրներով, հաստատեց երկրի հաջողությունը ժամանակակից զենք ստեղծելու գործում։ Tejas-ը ցուցադրվել էր Դուբայում՝ օտարերկրյա գնորդներին վաճառելու համար։ Այժմ, սակայն, վթարը կարող է խոչընդոտել արտահանմանը և արդեն իսկ վնասել է Հնդկաստանի ռազմաօդային ուժերի հեղինակությանը։

Հնդկաստանն այս էժան ինքնաթիռը գնման համար առաջարկում է Հայաստանին, Եգիպտոսին և Հարավարևելյան Ասիայի երկրներին, որոնց հետ նույնպես պատրաստ էր կիսվել ավիացիոն տեխնոլոգիաներով։

Հնդկաստանի ռազմաօդային ուժերի Tejas կործանիչը, որն ուրբաթ օրը Դուբայում վթարի էր ենթարկվել ցուցադրական թռիչքի ժամանակ, կատարում էր օդաչուական մանևր։ Մասնագետները կարծում են, որ վթարի պատճառը կարող էր լինել հավասարակշռության կորուստը։ Կործանիչի օդաչուն մահացել է։

2024-2025 ֆինանսական տարում (ավարտվել է մարտի 31-ին) Հնդկաստանը զենք է արտահանել 80 երկիր՝ ավելի քան 230,6 միլիարդ ռուփիի (մոտավորապես 2,76 միլիարդ դոլար) արժողությամբ։ Պաշտպանության նախարար Ռաջնաթ Սինգհի խոսքով՝ Հնդկաստանի պաշտպանական արդյունաբերության արտադրանքն արդեն գերազանցել է 12 միլիարդ դոլարը, ինչը երկիրը դասում է զենք արտահանողների առաջատար 25 երկրների շարքին։

2028-2029 ֆինանսական տարում պաշտպանական արդյունաբերության տարեկան ընդհանուր արտադրանքը, կանխատեսումների համաձայն, կհասնի 36 միլիարդ դոլարի, իսկ պաշտպանական արտահանումը՝ 6 միլիարդ դոլարի։