Թաիլանդում 65-ամյա կինն արթնացել է դագաղում՝ դիակիզումից րոպեներ առաջ

Թաիլանդում 65-ամյա կինն արթնացել է դագաղի մեջ՝ դիակիզումից րոպեներ առաջ․ գրում է RT-ն։

Նրա հարազատները նրան տարել էին վանք՝ դիակիզման համար։ Այնտեղ նրանք սկսել են արարողությունից առաջ վերջնական ստուգումներ անցկացնել, և պարզել են, որ նա շարժվում է։

Ավելի ուշ պարզվել է, որ կնոջ արյան մեջ շաքարի մակարդակը կտրուկ նվազել է։ Տեղական լրատվամիջոցների համաձայն՝ մասնագետները սխալմամբ կարծել են, թե կինը սրտի կանգ է ունեցել։

Նա այժմ գտնվում է բժիշկների հսկողության տակ։