Հայստանն ու Ադրբեջանը շատ ավելի լավ վիճակում են, քան Վրաստանը․ ՆԱՏՕ-ի գլխավոր քարտուղար
«Եվրատլանտյան տարածքի ցանկացած երկիր, որը կարող է նաև դառնալ ՆԱՏՕ-ի անդամ, կարող է արտահայտել իր ցանկությունը, որից հետո կա որոշակի գործընթաց: Բնականաբար, ես որևէ պատրանք չունեմ Վրաստանում կատարվողի վերաբերյալ»,- հայտարարել է ՆԱՏՕ-ի գլխավոր քարտուղար Մարկ Ռյուտեն:
Նա նշել է, որ ՆԱՏՕ-ն համագործակցում է Վրաստանի հետ, որի շրջանակներում կազմակերպությունն, ի թիվս այլ բաների, մտահոգություն է հայտնում ստեղծված իրավիճակի վերաբերյալ։
«Մենք շատ մտահոգված ենք և հստակորեն փոխանցել ենք դա վրացական կողմին: Մենք համագործակցում ենք նրանց հետ: Ես կարծում եմ, որ համագործակցությունն ինքնին այժմ ծառայում է իր նպատակին՝ ապահովել, որ կա մի ուղի, որի միջոցով մենք կարող ենք արտահայտել մեր մտահոգությունները: Եկեք նաև հարցին նայենք ամբողջական տեսանկյունից: Մենք տեսնում ենք, թե ինչ է կատարվում Հայաստանի և Ադրբեջանի միջև: Նրանք շատ ավելի լավ վիճակում են՝ նաև նախագահ Թրամփի ձեռնարկած գործողությունների շնորհիվ: Հետևաբար, ես Վրաստանում ստեղծված իրավիճակը կդիտարկեի ամբողջ Հարավային Կովկասի համատեքստում», – հայտարարել է Ռյուտեն:
