Մեկնարկել է նախադպրոցական հաստատության ղեկավարման իրավունքի հավակնորդների փաստաթղթերի ընդունումը

ՀՀ կրթության, գիտության, մշակույթի և սպորտի նախարար Ժաննա Անդրեասյանը հրաման է ստորագրել նախադպրոցական ուսումնական հաստատության ղեկավարման իրավունքի (հավաստագրման) քննությունների կազմակերպման նպատակով․ տեղեկացնում են ԿԳՄՍ նախարարությունից:

Հավակնորդների փաստաթղթերն ընդունվելու են առցանց՝ https://exams.emis.am/ հարթակով՝ նոյեմբերի 27-ից դեկտեմբերի 17-ը ներառյալ: Համակարգը կգործի 24-ժամ:

Հավաստագրման քննությունների ժամանակացույցը կհաստատվի և սահմանված կարգով կհրապարակվի ԿԳՄՍ նախարարության կայքում: