Թբիլիսիում անհետացել են ռուս ակտիվիստներ

Թբիլիսիում անհետացել են ռուս ակտիվիստներ Վլադիմիր Դուբովսկին և նրա ընկերուհին՝ Ալինա Սավելևան․ գրում են լրատվամիջոցները։

Նրանց առևանգել են․ հայտնել են Դուբովսկու համահիմնադրած «Єднання Українців Історичних Земель»՝ «Պատմական հողերի ուկրաինացիների միություն»-ից։ Սավելևայի հետ միասին նա նաև «Зелений Клин — моя батьківщина»՝ «Կանաչ սեպ – Իմ հայրենիք» շարժման առաջնորդն է։

Հաղորդվում է, որ նրանց նստեցրել են մեքենան ու տարել անհայտ ուղղությամբ․ գրում է meduza.io-ն։

Ակտիվիստները հետախուզվում են Ռուսաստանում. Դուբովսկին՝ ահաբեկչության մեղադրանքով՝ որպես համապատասխան ցուցակում ընդգրկված կազմակերպության ղեկավար, իսկ Սավելևան՝ «բանակի մասին կեղծիքներ» տարածելու մեղադրանքով։

Նրանք Թբիլիսիում էին ապրում 2022 թվականից։