Վրաստանի իշխանությունները դատի կտան BBC-ին

Վրաստանի իշխանությունները դատի կտան BBC-ին՝ ցուցարարների դեմ քիմիական նյութերի կիրառման մասին կեղծ պատմության համար․ ինչպես հայտնում է ТАСС-ը, այս մասին ասվում է իշխող «Վրացական երազանք – Ժողովրդավարական Վրաստան» կուսակցության հայտարարության մեջ։

Նախորդ օրը BBC-ն հրապարակել էր նյութ, որում ասվում էր, որ Վրաստանի իշխանությունները 2024 թվականին ցուցարարների դեմ օգտագործել են Առաջին համաշխարհային պատերազմի ժամանակների քիմիական զենք։ Հեղինակների եզրակացությունները հիմնված են եղել ցուցարարների մեկնաբանությունների վրա։