ՖԻՖԱ-ի աշխարհի առաջնության վիճակահանության ժամանակ Թրամփը կարող է ստանալ «Խաղաղության» մրցանակը

ԱՄՆ նախագահ Դոնալդ Թրամփը կմասնակցի Վաշինգտոնում կայանալիք 2026 թվականի ՖԻՖԱ-ի աշխարհի առաջնության վիճակահանությանը, որտեղ նա բեմ կբարձրանա՝ Ֆուտբոլի միջազգային ֆեդերացիայի (ՖԻՖԱ) կողմից շնորհվող ՖԻՖԱ-ի «Խաղաղության» մրցանակը ստանալու համար․ հայտնել է Politico-ն՝ հղում անելով ծրագրին։

Ըստ թերթի՝ երկու ժամ տևողությամբ միջոցառումը կսկսվի Թրամփի սիրելի օպերային երգիչներից մեկի՝ Անդրեա Բոչելլիի կատարմամբ, որին կհաջորդի ՖԻՖԱ-ի նախագահ Ջանի Ինֆանտինոյի ելույթը, որը կներկայացնի Թրամփին որպես «Խաղաղության» մրցանակի դափնեկիր։ Ակնկալվում է, որ Թրամփը կընդունի մրցանակը և ելույթ կունենա բեմից։

Պաշտոնական վիճակահանությունը, որը կորոշի 2026 թվականի ՖԻՖԱ-ի աշխարհի առաջնությանը մասնակցող չորս թիմերից բաղկացած 12 խմբերը, կավարտվի Village People-ի կողմից իրենց «YMCA» հիթի կատարմամբ, որը համարվում է ամերիկացի առաջնորդի այցեքարտը։ Հանրապետականի հանրահավաքներն ավարտվում էին հենց այս երգով, որը հաճախ ուղեկցվում էր պարային ծրագրով։

Մրցաշարը կանցկացվի Միացյալ Նահանգներում, Կանադայում և Մեքսիկայում հունիսի 11-ից հուլիսի 19-ը։