Այս գիրքը մեր կյանքի փոփոխության բանալիներից մեկն է․ Բագրատ սրբազան
Ամբողջ սրտով ցանկանում եմ շնորհակալություն հայտնել բոլորիդ «Ինքներս մեզ հաղթելով» գրքիս ներկայացման առիթով․ «Երևան-Կենտրոն» քրեակատարողական հիմնարկից նամակ է գրել անազատության մեջ պահվող Բագրատ արքեպիսկոպոս Գալստանյանը։
Նա հատկապես շնորհակալություն է հայտնել գրքի շնորհանդեսի բանախոսներին՝ Ռուբեն վարդապետ Զարգարյանին, Արսեն Գասպարյանին, Աբրահամ Գասպարյանին, Կատարինե Թայիրյանին և ամբողջ ընթացքը համակարգող Թովմաս ուրարակիր Առաքելյանին։
«Գնահատանքս Արփինեին, Սվետային, Լուսինեին և Արտյոմին կազմակերպչական աշխատանքների համար։
Գնահատանքս բոլոր լրատվականներին և բոլոր նրանց, ովքեր իրենց աջակցությունն ու մասնակցությունն են բերել այս առիթով։
Այս գիրքը, առանց հավակնության, մեր կյանքի փոփոխության բանալիներից մեկն է։
Ինչպես մշտապես ասել եմ՝ մեր պայքարը ավելիով եղել և մնում է քաղաքակրթական, որովհետև մեր ժամանակների աղետը հենց քաղաքակրթական, հոգևոր, բարոյական, մշակութային թիրախում գտնվելն է։
Մենք կհաղթենք, եթե նախ «ինքներս մեզ հաղթենք»։ Աստված զորացնի բոլորիդ։
Մի երկնչեք, այլ միայն հավատացե՛ք»,- նշել է սրբազանը։
