Անցնող շաբաթ Երևանում օդը կրկին եղել է թույլատրելիից փոշոտ

Հիդրոօդերևութաբանության և մոնիթորինգի կենտրոնը ներկայացրել է Երևանում մթնոլորտային օդի որակը նոյեմբերի 26-ից դեկտեմբերի 2-ը։

«Փոշու պարունակությունը գերազանցել է սահմանային թույլատրելի կոնցենտրացիան Կենտրոնում՝ ամբողջ շաբաթ, Արաբկիրում՝ նոյեմբերի 26-30-ը և դեկտեմբերի 1-ին, Շենգավիթում՝ նոյեմբերի 26-ին, 28-ին և դեկտեմբերի 1-ին, Նոր Նորքում՝ չի գերազանցել»,- տեղեկացրել են կենտրոնից։