Փաշինյանի իշխանության մնալու գլխավոր պատճառն ընդդիմության վատ պայքարը չէ․ Շարմազանով
Ընտրություններին ընդառաջ ակտիվացել են խորհրդարանական ընդդիմությանն ուղղված քննադատությունները․ Facebook-ի իր էջում գրել է ՀՀԿ-ական Էդուարդ Շարմազանովը։
«Մի մասը քննադատում է մեզ Նիկոլին չհեռացնելու համար։
Մյուսներն ավելի հեռուն են գնում ու մեղադրում երկու ընդդիմադիր ուժերին իշխանափոխություն չցանկանալու համար։
Շարքային քաղաքացիներն իրավունք ունեն ու պետք է մեզնից պահանջեն ավելի արդյունավետ գործողություններ։
Բայց իրավունք ունե՞ն արդյոք մեզ մեղադրելու նրանք, ովքեր ոչինչ չեն արել Նիկոլին հեռացնելու համար։
Ո՞ւր էիք դուք, երբ Հանրապետականն ու ՀՅԴ-ն փողոցներից տուն չէին գնում:
Ո՞ւր էիք դուք, երբ մենք ձերբակալվում ու կալանավորվում էինք։
Ազնի՞վ եք արդյոք դուք, երբ «բոչկա» եք գլորում տարիներ շարունակ Նիկոլի ռեժիմի դեմ ազնիվ պայքարած, բայց դրական արդյունք չգրանցած ընդդիմության վրա։
2024-ի հուլիսից մեծ հանրահավաք ու անհնազանդության ակցիաներ չեն եղել։
Կազմակերպեիք, համախմբեիք, պայքարեիք…
Մենք էլ կգայինք, ձեզ կօժանդակեինք։
Նիկոլի իշխանության մնալու գլխավոր պատճառն ընդդիմության վատ պայքարը չէ։
Ինչպես ժամանակին նշել է ՀՀԿ նախագահ Սերժ Սարգսյանը, ՀՀ կառավարիչը մնում է իշխանության՝ նախևառաջ արտաքին ուժերի սատարման պատճառով։
Սա է գլխավոր պատճառը։
Եվ կարիք չկա թիրախավորելու խորհրդարանական ընդդիմությանը։
Դրանով մենք մեր ընդհանուր նպատակին ՝ իշխանափոխությանը, ոչ թե մոտենում ենք, այլ ավելի ենք հեռանում»,- գրել է նա։
