Սիրիայում տոնում են Ասադի իշխանության տապալման 1-ամյակը

Սիրիայում Բաշար ալ-Ասադի իշխանության տապալման 1-ամյակին նվիրված միջոցառումներ և տոնակատարություններ են անցկացվում․ գրում է BBC-ն։

Դամասկոսի գլխավոր հրապարակում անցկացվում է ռազմական շքերթ։

Հաղորդվում է, որ միջոցառման ժամանակ Սիրիայի ժամանակավոր նախագահ Ահմեդ ալ-Շարաան հանդես կգա ելույթով։

Հիշեցնենք, որ 2024 թվականի դեկտեմբերի 8-ին Բաշար ալ-Ասադի ռեժիմը տապալվեց, երբ ապստամբ ուժերը վերահսկողություն հաստատեցին երկրի մայրաքաղաք Դամասկոսի նկատմամբ։

Գրեթե 24-ամյա կառավարման ավարտից հետո Ասադը լքեց երկիրը՝ փախչելով Ռուսաստան։