Վրաստանի պետական համալսարաններում կրթությունն այսուհետ անվճար կլինի․ Կոբախիձե
Նրանք, ովքեր հաջորդ տարվանից և հաջորդ տարիներին ընդունվում են պետական համալսարաններ, կրթությունը բոլորի համար անվճար կլինի․ 1tv.ge-ի փոխանցմամբ, այս մասին լրագրողներին ասել է Վրաստանի վարչապետ Իրակլի Կոբախիձեն։
Կառավարության ղեկավարի խոսքով՝ սա շատ կարևոր փոփոխություն է, և այս փոփոխությունը աստիճանաբար կներդրվի պետական համալսարանական համակարգում։
«Ինչ վերաբերում է բարձրագույն կրթության բարեփոխմանը և մասնավորապես ֆինանսավորման հարցին, մենք հանդիպում ունեցանք, քննարկեցինք այս հարցը և՛ կառավարության, և՛ քաղաքական խորհրդի ձևաչափով և որոշում կայացրինք, որ 2026 թվականից սկսած պետական համալսարաններում ուսանողների կրթությունը կլինի լիովին անվճար։ Նրանք, ովքեր հաջորդ տարվանից և հաջորդ տարիներին ընդունվում են պետական համալսարաններ, կրթությունը բոլորի համար անվճար կլինի։ Սա շատ կարևոր փոփոխություն է, և այս փոփոխությունը աստիճանաբար կներդրվի պետական համալսարանական համակարգում»,- ասել է վարչապետը։
