Իշխանությունը ոչ թե փորձում է ինչ-որ երկխոսության գնալ, այլ հարցերը լուծվում են ոստիկանության ճնշմամբ․ Լևոն Զուրաբյան
Փաշինյանը միշտ պարծենում է ժողովրդավարական արժեքներով, ազատ ընտրություններով, բայց պարզվում է, որ դա ֆիկցիա է. այս մասին այսօր՝ դեկտեմբերի 5-ին, Ալավերդու
համայնքապետարանի բակում բողոքի ակցիայի ժամանակ հայտարարեց ՀԱԿ փոխնախագահ Լևոն Զուրաբյանը։
Նրա խոսքով՝ սա է Նիկոլ Փաշինյանի պատկերացրած ժողովրդավարությունը և մենք տեսնում ենք, որ հիմա հարցերը լուծվում
են ուժային մեթոդներով:
«Այսինքն՝ ոչ թե փորձում են ինչ-որ երկխոսության գնալ, այլ հարցերը
լուծվում են ոստիկանության ճնշմամբ», -նշել է փոխնախագահը։
«Ստացվում է՝ այս իշխանությունը
չի հանդուրժում ընդդիմադիր ընտրված որևէ իշխանության որևէ ՏԻՄ-ում։ Մենք էլ ուզում
ենք հասկանալ՝ ի վերջո գործո՞ւմ են Սահմանադրություն, օրենքներ։ Եկել ենք այսեղ՝ փորձելու
այս պրոցեսին տալ ժողովրդավարական, օրինական ընթացք»,- նշել է Զուրաբյանը։
