ՀՀ տարածքում կան փակ և մառախլապատ ճանապարհներ
ՀՀ տարածքում ավտոճանապարհները հիմնականում անցանելի են, բայց կան նաև փակ և մառախլապատ ճանապարհեր․ տեղեկացնում են ՆԳՆ փրկարար ծառայությունից։
«Փակ է Արագածոտնի մարզի Ամբերդ ամրոցից Քարի լիճ տանող ճանապարհահատվածը:
Վարդենյաց լեռնանցքում, Վաղարշապատ, Մասիս, Արտաշատ, Ջերմուկ քաղաքներում, Արարատ-Երասխ և Երևան-Սևան 39-49-րդ կմ ավտոճանապարհներին մառախուղ է, իսկ Ջերմուկում ձյուն է տեղում:
Վարորդներին հորդորում ենք երթևեկել բացառապես ձմեռային անվադողերով»,- ասված է պաշտոնական հաղորդագրությունում։
