Ասադը Մոսկվայում հաճախում է ակնաբուժության դասընթացների․ The Guardian

Սիրիայի նախկին նախագահ Բաշար ալ-Ասադը Մոսկվայում հաճախում է ակնաբուժության դասընթացների. գրում է The Guardian-ը։

«Նա սովորում է ռուսերեն և կատարելագործում ակնաբուժության իր կրթությունը։ Դա նրա կիրքն է. նա ակնհայտորեն փողի կարիք չունի։ Նույնիսկ Սիրիայում պատերազմից առաջ նա պարբերաբար ակնաբուժությամբ էր զբաղվում Դամասկոսում»,- ասել է Ասադների ընտանիքի ընկերը, որը կապ է պահպանում նրանց հետ։

Հաղորդվում է, որ Սիրիայում ռեժիմի տապալումից հետո Ասադների ընտանիքն ապրում է մեկուսացված, հանգիստ, շքեղ կյանքով Մոսկվայում և ԱՄԷ-ում:

Ըստ իրավիճակին ծանոթ երկու աղբյուրի՝ ընտանիքը, հավանաբար, ապրում է  «Ռուբլյովկայում»՝ Մոսկվայի էլիտայի փակ համայնքում:

Հրապարակման համաձայն՝ Ասադների ընտանիքը փողի պակաս չունի։ 2011 թվականին արևմտյան պատժամիջոցների կիրառումից հետո ընտանիքն իր հարստության մեծ մասը ներդրել է Մոսկվայում, որտեղ արևմտյան կարգավորող մարմինները չէին կարող հասանելիություն ունենալ։