Ռուսական բանակը 2025 թվականին ազատագրել է ավելի քան 300 բնակավայր․ Պուտինի ելույթը՝ կետերով
Ռուսական բանակը 2025 թվականին ազատագրել է ավելի քան 300 բնակավայր․ հայտարարել է Ռուսաստանի նախագահ Վլադիմիր Պուտինը Պաշտպանության նախարարության կոլեգիայի նիստում։
Պուտինի ելույթի առանցքային մասերը՝ կետերով
- Եթե Կիևը հրաժարվի մասնակցել առարկայական բանակցություններին, Ռուսաստանը կհասնի հողերի ազատագրմանը ռազմական ճանապարհով։
- Ռուսական բանակը հետևողականորեն կլուծի անվտանգության բուֆերային գոտու ընդլայնման հարցը։
- «Հատուկ ռազմական գործողության» նպատակները անպայման կիրականացվեն։
- Առաջնահերթություններից մեկը միջուկային զենքի կատարելագործումն է՝ ագրեսորին զսպելու համար։
- Ես բազմիցս ասել եմ, որ եվրոպական երկրներին ուղղված ռուսական սպառնալիքը սուտ է և անհեթեթություն։ Հակամարտությունների պատասխանատվությունը նրանց վրա է, ովքեր կարծում են, որ Ռուսաստանի հետ կարելի է խոսել ուժի դիրքերից։
- Աշխարհաքաղաքական վիճակը շարունակում է լարված մնալ։
