Սա թուրքական ծրագիր է, որն իրականացվում է նրանց տեղապահների՝ կոնկրետ Փաշինյանի ձեռամբ․ Լիլիթ Գալստյան
Այս իրավիճակի գնահատականը չի տեղավորվում որևէ բանական մարդու գլխում․Մայր Աթոռ Սուրբ Էջմիածնի բակում ABC Media-ի հետ զրույցում ասաց ընդդիմադիր պատգամավոր Լիլիթ Գալստյանը։
«Մեր ամենադաժան երազներում մենք չէինք կարող այս իրավիճակի ականատեսը լինել։ Այն, ինչ կատարվում է, քրեորեն պատժելի հանցագործություն է։ Եվ ավելի քան ակնհայտ է, որ այն ուղղորդված է ՀՀ իշխանությունների և անձամբ Նիկոլ Փաշինյանի կողմից։ Ըստ էության՝ սա ոչ միայն ասպատակություն է Հայ եկեղեցու նկատմամբ, այլ նաև հայոց պետականության ու ժողովրդի հանդեպ։ Մեր ազգային ամենամեծ հեղինակությունն ունեցող ինստիտուտի կազմաքանդումը նշանակում է ուղղակի դավաճանական, թշնամական հարձակում հայ ժողովրդի նկատմամբ։ Ինձ ավելի քան հստակ է, որ սա թուրքական ծրագիր է, որն իրականացվում է նրանց տեղապահների՝ կոնկրետ Փաշինյանի ձեռամբ»,- ասաց նա։
Նշենք, որ Ամենայն հայոց կաթողիկոսի ընդդիմախոսները՝ 10 եպիսկոպոսների գլխավորությամբ, այսօր Մայր Աթոռում էին՝ պահանջելով Վեհափառի հրաժարականը։
