Մայր Աթոռի բակում ոչ ադեկվատ և սադրիչ վարքագիծ դրսևորող 5 անձինք տարածքից հեռացվել են․ ՆԳՆ

Մայր Աթոռի բակում ոչ ադեկվատ և սադրիչ վարքագիծ դրսևորող 5 անձինք տարածքից հեռացվել են։ Ձերբակալվածներ չկան. ABC Media-ի հետ զրույցում ասել է ՆԳ նախարարի մամուլի քարտուղար Նարեկ Սարգսյանը։

Հիշեցնենք, որ այսօր Վեհափառ Հայրապետի հրաժարականը պահանջող 10 եպիսկոպոսներն ու նրանց մի քանի աջակիցները եկել էին Մայր Աթոռ և փորձում էին խոչընդոտել Մայր Աթոռի բնականոն գործունեությունը։ Եկեղեցու աջակիցները թույլ չտվեցին նրանց մուտքը Մայր Աթոռ, ինչից հետո 10 եպիսկոպոսներն Ամենայն հայոց կաթողիկոսի հրաժարականի պահանջով նամակ հանձնեցին քարտուղարություն, ապա ԱԱԾ-ի ուղեկցությամբ միկրոավտոբուսով հեռացան։