Էկոպարեկները թավա ու զուգարանի եռաշերտ թուղթ են ձեռք բերել. ինչի՞ վրա են ծախսվում պետության գումարները․ «ՓաստԻնֆո»

Ամանորին ընդառաջ Էկոպարեկային ծառայությունը գնումներ է կատարել ՀՀ պետական բյուջեի հաշվին․ գրում է «Փաստինֆո»-ն։

Լրատվամիջոցը տեղեկացել է՝ Էկոպարեկային ծառայությունը, որը մշտապես աչքի է իր գնումներով, այս անգամ գնել է 2 թավա, զուգարանի եռաշերտ թուղթ և խոհանոցային թղթե սրբիչներ՝ 25․580 դրամ ընդհանուր արժեքով։

Ծառայությունը նաև տոնական զարդարանքներ է գնել՝ վճարելով 198.000 դրամ։

Հաջորդաբար ձեռք են բերվել թղթե բաժակներ և թղթե գրիչներ՝ 190.000 դրամով։

Եղել են նաև վերանորոգման և այլ ծախսեր։ Ըստ լրատվամիջոցի՝ 2025-ին Էկոպարեկային ծառայությունը, ընդհանուր առմամբ, պետբյուջեից ծախսել է մոտ 2 մլն դրամ։