Թուրքիայում նորից ԱԹՍ է ընկել
Հերթական ԱԹՍ-ն է ընկել Թուրքիայում․ գրում են տեղական լրատվամիջոցները։
«Թուրքիայի հյուսիս-արևմուտքում՝ Բալըքեսիրի մարզում, անօդաչու թռչող սարքի հերթական միջադեպն է գրանցվել։ Ընկած ԱԹՍ-ն նկատել են տեղի բնակիչներն ու դրա մասին տեղեկացրել իրավապահներին։ Օբյեկտը տեղափոխվել է համապատասխան գերատեսչություն՝ մանրակրկիտ փորձաքննության»,- հայտնել են անվտանգային կառույցները։
Ո՞ր երկրին է պատկանում ԱԹՍ-ն ու ինչպե՞ս է հատել Թուրքիայի օդային սահմանը, մանրամասներ հայտնի չեն։ Նախնական տեղեկություններով՝ տուժողներ չկան, այլ վնասեր՝ նույնպես։
Նշենք, որ անցնող շաբաթվա ընթացքում Թուրքիայում արդեն երրորդ ԱԹՍ-ն է ընկնում։
