Կարգալույծ հռչակեք Վազգեն եպիսկոպոսին․ դպրի աղերսագիրը՝ Վեհափառին
Սամվել դպիր Գրիգորյանն աղերսագիր է ուղղել Վեհափառ Հայրապետին՝ հորդորելով կարգալույծ հռչակել Վազգեն եպիսկոպոս Միրզախանյանին, որ Աբրահամ և Գևորգ սրբազանների հետ օրերս դուրս է մնացել Հոգևոր խորհրդի կազմից ու հեռացվել Բալթյան երկրների հայոց թեմի առաջնորդի գահից։
Աղերսագրում դպիրը ներկայացրել է, թե ինչ հիմքով կարող է եկեղեցական բարձր աստիճանակարգից զրկվել հոգևորականը։ Հիմնավորումները՝ կետերով․
- Վազգեն եպիսկոպոս Միրզախանյանն ունի դավանաբանական լրջագույն շեղումներ,
- Աստվածաշնչին հակառակ թեզեր է արծարծում ու սրբագրում մեղքերը,
- Հակականոնական է ընթացքը,
- Պատարագի ընթացքում կաթողիկոսի և թեմի առաջնորդների անունները զեղջելու հետ հաշտ է և հովանավոր դրանց,
- Նվիրապետական կարգի դեմ է ընդվզում,
- Միացել է սադրիչ հայտարարությունների,
- Կարգալույծների պատարագանման արարողություններին անվանում է պատարագ,
- Կարգալույծների ու հերձվածողների հետ 17.12.2025 թ․ գրոհել է Մայր Աթոռը,
- Ավետարանի խոսքն ակնհայտ աղավաղում է:
