Վիրահայոց թեմի առաջնորդը՝ Մայր Աթոռ Սուրբ Էջմիածնի Գերագույն Հոգևոր խորհրդի անդամ
Ն.Ս.Օ.Տ.Տ. Գարեգին Բ Ամենայն հայոց կաթողիկոսի հայրապետական տնօրինությամբ 2025 թվականի դեկտրեմբերի 15-ին Վիրահայոց թեմի առաջնորդ Գերաշնորհ Տեր Կիրակոս եպիսկոպոս Դավթյանը նշանակվել է Մայր Աթոռ Սուրբ Էջմիածնի Գերագույն Հոգևոր խորհրդի կազմում՝ որպես անդամ․ հայտնում են ՀԱՍԵ Վիրահայոց թեմից։
«Վիրահայոց թեմի առաջնորդին՝ թեմի հոգևոր դասի, աշխատակազմի և բազում հավատացյալների անունից շնորհավորում ենք բարձր պատվի և գնահատանքի արժանանալու համար և մաղթում քաջառողջություն, հաջողություններ և անսասան նվիրում՝ ի պայծառություն Հայաստանյայց Առաքելական Սուրբ Եկեղեցու հզորացման գործում»,- ասված է հայտարարության մեջ։
