Ուկրաինայում ընտրություններ կանցկացվեն խաղաղության համաձայնագրի ստորագրումից հետո․ Զելենսկի
Ուկրաինան պետք է նախագահական ընտրություններ անցկացնի «հնարավորինս շուտ»՝ Ռուսաստանի հետ խաղաղության համաձայնագիրը ստորագրելուց հետո։ Այս մասին լրագրողների հետ զրույցում հայտարարել է նախագահ Վլադիմիր Զելենսկին․ գրում է unian.net-ը։
«Հնարավորինս շուտ։ Սա գործընկերների տեսլականն է։ Մենք հասկանում ենք, թե որտեղից է սա գալիս։ Այսինքն՝ համաձայնագրի ստորագրումից հետո կամ իրականացման գործընթացի ընթացքում Գերագույն ռադան կկարողանա քվեարկել Ուկրաինայում նախագահական ընտրությունների ամսաթվի վերաբերյալ։ Օրինակ՝ մենք այն ստորագրեցինք, և այդ ժամանակ կարող ենք նախագահական ընտրություններ անցկացնել։ Մենք դրանում խնդիր չենք տեսնում։ Եթե ինչ-որ մեկը իսկապես ցանկանում է ընտրություններ Ուկրաինայում և կարծում է, որ դա որոշակի հույս է տալիս, որ քաղաքականության միջոցով կարող է հասնել նրան, ինչին չէր կարող հասնել պատերազմի միջոցով, ապա նա դա է պնդում։ Բայց դա չի նշանակում, որ ուկրաինացի ժողովուրդը դա հենց այդպես կընկալի»,- ասել է Զելենսկին։
Ուկրաինայի նախագահը բացատրել է, որ Ուկրաինան կարող է ընտրություններ անցկացնել իր շահերից ելնելով՝ որպես ժողովրդավարական երկիր։ Միևնույն ժամանակ, նա նշել է, որ Ուկրաինայի գործընկերները չպետք է կասկածներ ունենան այդ ընտրությունների արդյունքի վերաբերյալ։
