Հորդառատ անձրևները ողողել են Հարավային Կալիֆոռնիան

Հարավային Կալիֆոռնիայում տեղատարափ անձրևները լայնածավալ ջրհեղեղների պատճառ են դարձել։ Իշխանությունները վարորդներին զգուշացրել են չերթևեկել ճանապարհներին՝ միաժամանակ կոչ անելով ջրհեղեղի գոտիների բնակիչներին տարհանվել կամ ապաստան գտնել․ հայտնում է Reuters-ը։

Լոս Անջելեսից արևելք գտնվող անձրևոտ լեռնային հանգստավայր Ռայթվուդում արտակարգ իրավիճակների խմբերն օրվա մեծ մասն անցկացրել են տասնյակ փրկարարական զանգերին պատասխանելով և վարորդներին ջրասույզ մեքենաներից անվտանգ դուրս բերելով։