ՀՀ տարածքում փակ ավտոճանապարհներ կան

ՀՀ տարածքում ավտոճանապարհները հիմնականում անցանելի են․ հայտնում են Ճանապարհային դեպարտամենտից։

Փակ են Արագածոտնի մարզում «Ամբերդ» բարձր լեռնային օդերևութաբանական կայանից Ամբերդ ամրոց և Քարի լիճ տանող ավտոճանապարհները:

Բքի պատճառով կցորդով բեռնատարների համար փակ են Դիլիջանի ոլորանները և Վարդենյաց լեռնանցքը, Ջերմուկի խաչմերուկից մինչև «Ջանգեր» կոչվող հատվածը, Նորավան-Լծեն-Տաթև, Շինուհայր-Տաթև-Կապան ավտոճանապարհները: Բեռնատարների համար փակ են նաև Տիգրանաշենի ոլորանները և Երասխի շրջադարձից մինչև Զանգակատուն հատվածը։

Լուսաղբյուր գյուղից մինչև Ջաջուռի ոլորաններ հատվածը դժվարանցանելի է բոլոր տեսակի տրանսպորտային միջոցների համար։ Մ-2 ավտոճանապարհին՝ Արարատի մարզի հատվածում, Անիի և Ամասիայի տարածաշրջաններում բուք է։

Ստեփանծմինդա-Լարս ավտոճանապարհը փակ է բեռնատարների համար։