Ադրբեջանում երկարացվում է ենթասպաների և կրտսեր նավաստիների զինվորական ծառայության ժամկետը
Ադրբեջանում կերկարաձգվի ենթասպաների և միչմանների (կրտսեր նավաստիների) ակտիվ զինվորական ծառայության ժամկետը։ Համապատասխան օրենքներում փոփոխությունները հաստատել է Իլհամ Ալիևը։
Խաղաղ ժամանակ բոլոր ենթասպաների և միչմանների համար ակտիվ զինվորական ծառայության ժամկետը սահմանվում է 5 տարի:
Ենթասպաների և միչմանների կարգավիճակով ակտիվ զինվորական ծառայության համար իրավասու անձանց ցանկում ներառված են նաև մինչև 40 տարեկան պարտադիր զինվորական ծառայության պարտավորություն ունեցող անձինք (բացառությամբ՝ սպաների):
Փոփոխությունների համաձայն՝ «մինչև 40 տարեկան պարտադիր զինվորական ծառայության պարտավորություն ունեցող» ձևակերպումը փոխարինվում է «պահեստազորից զորակոչված ենթասպաներ և միչմաններ, որոնք չեն հասել զինվորական ծառայության առավելագույն տարիքին» արտահայտությամբ:
