Հայտնաբերվել է 44-օրյա պատերազմում զոհվածի 26-ամյա քրոջ մարմինը

Այսօր՝ դեկտեմբերի 31-ին, Ժամը 09:00-ի սահմաններում քաղաքացիները Հրազդան գետում նկատել են քաղաքացու մարմին․ տեղեկացնում է shamshyan.com-ը։

«Դեպքի վայր են ժամանել փրկարարներն ու գետից դուրս բերել կնոջ անշնչացած մարմին։

Դեպքի վայրում հավաքվածներն ասում էին, որ հայտնաբերվածը դեկտեմբերի 26-ից որպես անհայտ որոնվող, 44-օրյա պատերազմում նահատակված Գոռ Երմալովյանի 26-ամյա քույրն է»,- գրում է լրատվամիջոցը։

Նշենք, որ Լիլիթ Երմալովյանին հարազատները որոնում էին դեկտեմբերի 26-ից։