Խերսոնի մարզում 3 ԱԹՍ հարվածել է Սև ծովի ափին գտնվող սրճարանի և հյուրանոցի․ զոհվել է 24 մարդ
Ամանորի գիշերն Ուկրաինայի զինված ուժերի անօդաչու թռչող սարքերը հարվածել են Խերսոնի մարզում Սև ծովի ափին գտնվող սրճարանի և հյուրանոցի, ինչի հետևանքով զոհվել է ավելի քան 20 մարդ․ այս մասին, ինչպես գրում է ria.ru-ն, հայտնել է մարզպետ Վլադիմիր Սալդոն։
«Ավելի քան 50 մարդ վիրավորվել է, 24-ը՝ զոհվել։ Թվերը ճշտվում են։ Շատերը ողջ-ողջ այրվել են։ Մեկ երեխա մահացել է», – գրել է նա Telegram-ում։
Սալդոյի խոսքով՝ «Կիևի ռեժիմը դիտավորյալ այրել է մարդկանց. անօդաչու թռչող սարքերից մեկը եղել է դյուրավառ խառնուրդով»։
