
Եղանակի պատճառով Լարսում սահմանափակումներ են մտցվել
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվությամբ՝ Ստեփանծմինդա-Լարս ավտոճանապարհը փակ է բեռնատարների համար․ տեղեկացնում է ՀՀ ՆԳՆ փրկարար ծառայությունը։
«Սահմանափակումները մտցվել են Գուդաուրի-Կոբի հատվածում։ Մլետա-Կոբի հատվածում դեռևս արգելված է ծանր բեռնատարների երթևեկությունը, մինչդեռ տրանսպորտի այլ տեսակների տեղաշարժը բաց է»,- ասված է հաղորդագրությունում։


