Վենեսուելան պահանջում է նախագահ Մադուրոյի և նրա կնոջ անհապաղ ազատ արձակումը․ Դելսի Ռոդրիգես
Վենեսուելան պահանջում է նախագահ Նիկոլաս Մադուրոյի և նրա կնոջ՝ Սիլիա Ֆլորեսի անհապաղ ազատ արձակումը․ Telesur հեռուստաընկերության եթերում հայտարարել է երկրի փոխնախագահ Դելսի Ռոդրիգեսը, որը Գերագույն դատարանի որոշմամբ նշանակվել է նախագահի ժամանակավոր պաշտոնակատար։
Ռոդրիգեսը հայտարարել է, որ Վենեսուելան երբեք որևէ երկրի գաղութ չի լինի։
«Վենեսուելայի միակ օրինական նախագահը Նիկոլաս Մադուրոն է»,- ասել է նա։
Շաբաթ օրն ԱՄՆ նախագահ Դոնալդ Թրամփը հայտարարել է, որ Միացյալ Նահանգները լայնածավալ հարձակում է սկսել Վենեսուելայի նկատմամբ, և որ նախագահ Նիկոլաս Մադուրոն և նրա կինը գերեվարվել են:
