Սիրիական բանակը Հալեպի 2 թաղամասերի բնակիչներին կոչ է արել մինչև 15։00-ն հեռանալ տներից

Սիրիական բանակի ռազմական գործողությունների խորհուրդը հայտարարել է, որ Հալեպում քրդական ուժերի բոլոր դիրքերն իրենց օրինական թիրախներն են։

Առավոտից Հալեպում զգուշավոր հանդարտություն է, մերթ ընդ մերթ հրաձգության ձայներ են լսվում․ տեղեկացրել է Հալեպի «Գանձասար» հայկական շաբաթաթերթը։

«Շեյխ Մաքսուդ և Աշրաֆիե թաղամասերում քրդական զինվորական բոլոր դիրքերը մեր օրինական թիրախներն են՝ Հալեպի թաղամասերը վտանգի ենթարկելու և քաղաքացիների սպանության պատճառ դառնալու հետևանքով։ Այդ շրջանների բնակչությանը կոչ ենք անում հեռանալ բախումների վայրերից՝ տեղափոխվելով ավելի ապահով վայրեր։ Այդ շրջանների տարհանման համար 2 անցակետ է բացվել՝ Աուարետ և Շարեհ Զհուր կոչվող հատվածներում։ Բնակիչներին կոչ են արել մինչև 15։00-ն դուրս գալ այդ շրջաններից։