Որևէ դպրոց պակաս դասագիրք չի ստացել․ ԿԳՄՍ նախարար

Որևէ դպրոց չի ստացել պակաս դասագիրք․ այսօր հրավիրած ասուլիսում ասաց ԿԳՄՍ նախարար Ժաննա Անդրեասյանը՝ պատասխանելով ABC Media-ի հարցին՝ ինչո՞ւ դեռ կան դպրոցներ, որոնք դասագրքերի պակաս ունեն։

«Կխնդրեմ կոնկրետ լինել։ Բոլոր դասագրքերը, որոնք մրցույթների արդյունքում ընտրվել են, տպագրվել են և բաժանվել են դպրոցներին մինչև սեպտեմբերի 1-ն այն քանակներով, որոնք դպրոցների կողմից պատվիրված է եղել»,- ասաց նախարարը՝ հավելելով, որ այդ լուրերն ապատեղեկատվություն են։