Հրդեհ՝ Սյունիքում․ մեկ քաղաքացի հոսպիտալացվել է
Հունվարի 8-ին ժամը 20։24-ին Սյունիքի մարզային փրկարարական վարչություն ահազանգ է ստացվել, որ Լեռնաձոր գյուղում այրվում է ավտոտնակ․ տեղեկացնում է Փրկարար ծառայությունը
«Դեպքի վայր է մեկնել երեք մարտական հաշվարկ։ Պարզվել է, որ հրդեհը բռնկվել է Լեռնաձոր գյուղի 5-րդ թաղամասի տներից մեկին հարակից ավտոտնակում:
Հրդեհը մեկուսացվել է ժամը 21:27-ին, մարվել՝ 22:10-ին: Մեկ քաղաքացի հոսպիտալացվել է:
Այրվել են ավտոտնակի փայտե կառուցատարրերը, ներսում կայանած «Opel» մակնիշի ավտոմեքենան, իսկ հարակից խորդանոցում՝ կենցաղային իրեր:
Հրշեջ-փրկարարները կանխել են հրդեհի տարածումը դեպի մոտակա բնակելի տուն»,- ասված է հաղորդագրությունում:
