Հիվանդին Գյումրիից Երևան տեղափոխող շտապօգնության մեքենան հայտնվել է ճանապարհի եզրի ձորակում

Այսօր՝ հունվարի 10-ին, ավտովթար է տեղի ունեցել Շիրակի մարզում․ գրում է Shamshyan.com-ը։

«Ժամը 16:30-ի սահմաններում Գյումրի-Երևան ավտոճանապարհի Սառնաղբյուր բնակավայրի վարչական տարածքում դեպի Երևան ընթանալիս շտապօգնության ավտոմեքենան դուրս է եկել ճանապարհի երթևեկելի գոտուց և հայտնվել ճանապարհի եզրի ձորակում։

Վթարի հետևանքով, ըստ նախնական տեղեկությունների, տուժածներ չկան։

Բուժառուն մեկ այլ շտապօգնության ավտոմեքենայով տեղափոխվել է երևանյան բժշկական կենտրոններից մեկը»,- հայտնում է լրատվամիջոցը։