Իսրայելը պլանավորում է վերսկսել ռազմական գործողությունները Գազայում․ The Times of Israel

Իսրայելի պաշտպանության բանակը մշակել է մարտին Գազայի հատվածում ինտենսիվ ռազմական գործողությունները վերսկսելու ծրագրեր՝ նպատակ ունենալով շփման գիծը տեղափոխել դեպի արևմուտք․ այս մասին Times of Israel-ին հայտնել են անանուն իսրայելցի պաշտոնյան և արաբ դիվանագետը։

Արաբ դիվանագետը նշել է, որ գործողությունը չի կարող տեղի ունենալ առանց Միացյալ Նահանգների աջակցության, որը դեռևս փորձում է երկրորդ փուլ տեղափոխել հոկտեմբերին ձեռք բերված փխրուն հրադադարը։

Չնայած նրան, որ Իսրայելի վարչապետ Բենիամին Նեթանյահուն անցյալ ամիս Թրամփի հետ հանդիպման ժամանակ համաձայնել է համագործակցել հրադադարի դրույթների իրագործման հարցում, նա չի հավատում, որ կհաջողվի հասնել ՀԱՄԱՍ-ի զինաթափմանը, և դրանից ելնելով՝ հրահանգել է Իսրայելի պաշտպանության բանակին պատրաստվել տարբեր սցենարների։