Շեյխ Մաքսուդ և Աշրաֆիե թաղամասերում կայունությունն աստիճանաբար վերականգնվում է. Հալեպի նահանգապետ
Շեյխ Մաքսուդ և Աշրաֆիե թաղամասերում կայունությունը աստիճանաբար վերականգնվում է՝ բնակիչների անվտանգությունը և վստահությունը վերականգնելու համար իրավասու մարմինների ձեռնարկած աշխատանքների արդյունքում․ Հալեպի «Գանձասար» լրատվականի փոխանցմամբ՝ այս մասին հայտնել է Հալեպի նահանգապետ Ազզամ ալ-Ղարիպը։
«X» հարթակում իր գրառման մեջ նահանգապետը հստակեցնում է, որ քաղաքացիական պաշտպանության, ականազերծման և ներքին անվտանգության մարմինները շարունակում են դաշտային աշխատանքները՝ տարածքը ապակայունացնելու ցանկացած փորձ կանխելու համար, որպեսզի ապահովեն բնակիչների պաշտպանությունը եւ թաղամասերի բնականոն կյանքի վերադարձը։
Նահանգապետը շեշտում է` այսօրվա ձեռքբերումը ժողովրդի համերաշխության, ազգային գիտակցության և պետական հաստատությունների աջակցության պտուղն է՝ հաստատելով, որ Հալեպը հաղթահարում է տագնապի փուլը եւ հաստատուն քայլերով ուղղվում դեպի համապարփակ ապահովություն եւ կայունություն:
