Կան փակ ու դժվարանցանելի ճանապարհներ
ՀՀ տարածքում կան փակ ավտոճանապարհներ․ տեղեկացնում է փրկարար ծառայությունը։
«Արագածոտնի մարզում փակ են «Ամբերդ» բարձր լեռնային օդերևութաբանական կայանից Ամբերդ ամրոց և Քարի լիճ տանող ավտոճանապարհները:
Վարդենյաց լեռնանցքը փակ է կցորդով բեռնատարների համար, դժվարանցանելի՝ մյուս տեսակի տրանսպորտային միջոցների համար։
Ապարանի, Արագածի (բուք), Սևանի, Ճամբարակի, Մարտունու, Գավառի, Աբովյանի, Հրազդանի, Նաիրիի, Սիսիանի, Գորիսի, Աշոցքի և Ամասիայի տարածաշրջանների ավտոճանապարհներին տեղ-տեղ առկա է մերկասառույց»,- հայտնում են ծառայությունից՝ վարորդներին հորդորելով երթևեկել բացառապես ձմեռային անվադողերով։
