Հայաստանում եկեղեցին դարձել է երկրի ավտորիտար ղեկավար, վարչապետ Փաշինյանի կողմից սանձազերծված դաժան արշավի թիրախ․ The Hill
Այս աշխարհի ամենահին քրիստոնեական եկեղեցին ենթարկվում է հարձակումների։ Հայաստանում եկեղեցին դարձել է երկրի ավտորիտար ղեկավար, վարչապետ Նիկոլ Փաշինյանի կողմից սանձազերծված դաժան արշավի թիրախ․ գրել է The Hill-ը։
Եկեղեցու դեմ Փաշինյանի արշավի ՝ նպատակը երկրի ուշադրության շեղումն է իր գոյաբանական խնդիրներից։
Ինչպես ընդգծվել է, ողջ Հայաստանում մարդիկ խորապես դժգոհ են Փաշինյանի ղեկավարությունից և կարծում են, որ ազգը սխալ ուղղությամբ է ընթանում: Քաղաքացիների գրեթե երեք քառորդն այժմ պայքարում է աղքատության դեմ, և Փաշինյանի վարկանիշը չափվել է միանիշ թվերով: Նրա կառավարումից դժգոհության էական գործոնն այն է, որ Փաշինյանը չի ցանկացել կամ չի կարողացել պաշտպանել Հայաստանի ազգային անվտանգությունն ու ինքնիշխանությունը բացառիկ աշխարհաքաղաքական խոցելիության շրջանում: Հայաստանն այժմ բախվում է Ռուսաստանի, Թուրքիայի և Ադրբեջանի համակարգված ճնշմանը՝ երեք տերությունների, որոնց համագործակցությունը սպառնում է երկրի գոյությանը։
2020 թվականին Հայաստանի կողմից Արցախի կորուստը, որը նրա հիմնական ռազմավարական պաշտպանական բուֆերն էր, և հետագայում 120,000 հայ բնակչության արտագաղթը 2023 թվականին ազգային տրավմա են։ Փաշինյանը փորձել է միաժամանակ հերքել պատասխանատվությունը և շեղել մեղքը, մինչդեռ շատերը եկեղեցու կոշտ դիրքորոշումն այս ողբերգության նկատմամբ համարում են հոգևորականության հետ իր թշնամանքի հիմնական կատալիզատորը։ Եկեղեցին եռանդուն կերպով պաշտպանել է փախստականների իրավունքները և ընդգծել Փաշինյանի մեղքն այս ազգային նվաստացման համար։
Վկայակոչելով վարչական ռեսուրսների լայնածավալ չարաշահումը և կառավարության կողմից իր քննադատների նկատմամբ կիրառվող ճնշումները՝ Transparency International-ի կոռուպցիայի դեմ պայքարի կենտրոնը վերջերս հրապարակված զեկույցում նշել է, որ այս խնդիրները կասկածի տակ են դնում այս տարվա Հայաստանի խորհրդարանական ընտրությունների ազատությունն ու արդարությունը։
Ըստ կայքի՝ թեև ԵՄ-ը կուրորեն և անվերապահորեն աջակցում է Փաշինյանին, չնայած նրա հակաքրիստոնեական և պարտվողական քաղաքականությանը, Փաշինյանը բազմիցս ցույց է տվել, որ ինքն Արևմուտքի համար հուսալի գործընկեր չէ։
Նրա այցը Չինաստան, որի հետ նա վերջերս ստորագրել է ռազմավարական գործընկերության համաձայնագիր, դրա վկայությունն է, որը տեղի է ունեցել օգոստոսի 8-ի Սպիտակ տանը նրա կողմից ստորագրված խաղաղության համաձայնագրից ընդամենը մի քանի օր անց։ Թրամփի վարչակազմը չպետք է ընկնի Փաշինյանի շարունակական տատանումների թակարդը։
«ԱՄՆ-ի կողմից Հայ առաքելական եկեղեցու դեմ Փաշինյանի գործողությունները դատապարտող կոշտ հայտարարությունը մեծապես կնպաստի նրան իշխանությունից հեռացնելու և նոր ընտրություններ պարտադրելու հարցում Հայաստանի ժողովրդին օգնելուն։
Եվ հակառակը, Փաշինյանին թույլ տալը շարունակել հարձակվել եկեղեցու վրա և պառակտել իր երկիրը, կարող է վտանգել այն գործարքը, որի կնքման համար Թրամփի վարչակազմը այդքան ջանք է գործադրել», – գրել է կայքը։ Դա կարող է նույնիսկ հակառակ արդյունք տալ 2026 թվականի կայանալիք միջանկյալ ընտրությունների ժամանակ։
