Իրանը Ռուսաստանին է մատակարարել 2.7 միլիարդ դոլար արժողությամբ հրթիռներ․ Bloomberg

Արևմտյան անվտանգության պաշտոնյայի գնահատականի համաձայն՝ Իրանը Ռուսաստանին վաճառել է մոտ 3 միլիարդ դոլարի արժողությամբ հրթիռներ՝ նախագահ Վլադիմիր Պուտինի` Ուկրաինայում գրեթե չորս տարի տևած պատերազմին օգնելու համար. գրել է Bloomberg-ը։

Անանուն մնալու պայմանով՝ գործակալության հետ զրույցում պաշտոնյան նշել է, որ պատերազմի սկսվելուց առաջ՝ 2021 թվականի հոկտեմբերից, Մոսկվայի հետ կնքված բալիստիկ և հող-օդ դասի հրթիռների պայմանագրերը կազմում են մոտ 2.7 միլիարդ դոլար։

Ըստ որոշ տեղեկությունների՝ փաթեթը ներառում է հարյուրավոր «Ֆաթահ-360» կարճ հեռահարության բալիստիկ հրթիռներ, մոտավորապես 500 այլ կարճ հեռահարության բալիստիկ հրթիռներ և 200 «երկիր-օդ» դասի հրթիռներ հակաօդային պաշտպանության համակարգերի համար: Թեհրանը նաև միլիոնավոր զինամթերք և հրետանային արկեր է ուղարկել Ռուսաստան։

2023 թվականի սկզբին երկու երկրների միջև ստորագրվել է լրացուցիչ 1.75 միլիարդ դոլարի պայմանագիր: Այն ներառում էր «Շահեդ-136» կամիկաձե անօդաչու թռչող սարքերի մատակարարումն, ինչպես նաև դրանց արտադրության տեխնոլոգիաների փոխանցումը։

Նշվում է, որ այս թվերը վերջնական չեն, քանի որ սպասվում են լրացուցիչ զենքի մատակարարումներ։