Դանիայի և Գրենլանդիայի պաշտոնյաները շտապում են Սպիտակ տուն․Թրամփը կրկին սպառնում է գրավել երկիրը
ԱՄՆ փոխնախագահ Ջեյ Դի Վենսը և պետքարտուղար Մարկո Ռուբիոն չորեքշաբթի Սպիտակ տանը կհանդիպեն Դանիայի և Գրենլանդիայի արտաքին գործերի նախարարների հետ․ գրում է Euronews-ը։
Դանիայի արտաքին գործերի նախարար Լարս Լոկկե Ռասմուսենը լրագրողներին ասել է, որ ինքը և իր գրենլանդացի գործընկեր Վիվիան Մոտցֆելդտը Ռուբիոյի հետ հանդիպում են խնդրել, այն բանից հետո, երբ ԱՄՆ նախագահն ուժեղացրել է արկտիկական կղզին բռնակցելու իր սպառնալիքները։
Հիշեցնենք, որ վերջին շրջանում Վաշինգտոնի, Դանիայի և Գրենլանդիայի միջև լարվածությունը սրվել է, քանի որ Թրամփը և նրա վարչակազմը շարունակում են առաջ մղել Գրենլանդիան ԱՄՆ-ի մաս դարձնելու գաղափարը։ ԱՄՆ նախագահը բազմիցս չի բացառել ռազմական ուժի կիրառմամբ կղզին գրավելու տարբերակը։
