Իրանի դեսպանատան մոտ քաղաքացիները վիրավորական արտահայտություններ են հնչեցնում․ դեսպան
Արդեն 6 օր է, ինչ Հայաստանում Իրանի դեսպանատան դիմաց մի խումբ քաղաքացիներ հավաքվում են ու ամենալկտի ձևով վիրավորական արտահայտություններ հնչեցնում․ այսօր հրավիրած ասուլիսում հայտնեց ՀՀ-ում Իրանի դեսպան Խալիլ Շիրղոլամին։
«Ի հեճուկս այն բանի, որ մենք շարունակական կերպով հնչեցնում ենք մեր բողոքը, այս ամենը շարունակվում է։ Մենք միշտ կանգնած ենք եղել Հայաստանի կողքին, մենք այսօր ծանր իրավիճակի մեջ ենք, և այն, ինչ այսօր տեղի է ունենում մեր դեսպանատան դիմաց, կմնա իրանցի ժողովրդի պատմական հիշողության մեջ։ Կարծում եմ՝ շատ հստակ ամեն ինչ ասացի»,- նշեց նա։
