«Երևանի ավտոբուս» ընկերությունը տրանսպորտի աշխատանքի մասին հայտարարություն է արել

Հաշվի առնելով եղանակային անբարենպաստ պայմանները և մայրաքաղաքի փողոցների որոշ հատվածներում մերկասառույցի առկայությունը, ինչպես նաև դրանց արդյունքում առաջացած խցանումները՝ մայրաքաղաքի հանրային տրանսպորտի որոշ երթուղիներում առավոտյան եղել են ուշացումներ․ տեղեկացնում է «Երևանի ավտոբուս» ՓԲԸ-ն։

«Տեղեկացնում ենք, որ այս պահին մայրաքաղաքի հանրային տրանսպորտն աշխատում է բնականոն հունով։ Իսկ հասարակական տրանսպորտի ամբողջ տեղաշարժը հասանելի է Yandex և 2GIS հարթակներում»,- փոխանցում են ընկերությունից։