Չինաստանը բոյկոտում է ամերիկյան և իսրայելական կիբեռանվտանգային ծրագրերը
Ազգային անվտանգության նկատառումներով՝ Չինաստանի իշխանությունները կոչ են արել տեղական ընկերություններին դադարեցնել ԱՄՆ-ի և Իսրայելի մոտ մեկ տասնյակ ընկերությունների արտադրած կիբեռանվտանգության ծրագրային ապահովման օգտագործումը․ գրում է Reuters գործակալությունը։
Երկրի իշխանությունները մտահոգություն են հայտնել, որ ամերիկյան և իսրայելական ծրագրերը կարող են գաղտնի տեղեկատվություն հավաքել և փոխանցել արտերկիր։
Նշվում է, որ առևտրային և դիվանագիտական լարվածության սրման ֆոնին Պեկինը ձգտում է արևմտյան արտադրության տեխնոլոգիաները փոխարինել տեղական այլընտրանքներով։
